BAB 5 AKSARA JAWA REKAN

Aksara rekan iku satemene aksara Jawa kang kareka amarga durung ana ing aksara Jawa. Aksara rekan gunane kanggo nulis tembung manca kang dicethakake, luwih-luwih tembung Arab. Aksara rekan iku cacahe ana 5, yaiku :

1.     Kh  = k+  tuladhane kharisma k+risM

2.     Gh = g+  tuladhane ghozali    [g+oj+li

3.     Z   = j+  tuladhane zakat      j+kt\

4.     f/v = p+  tuladhane firman    p+i/mn\

5.     dz = f+  tuladhane Dzulhijah fu+lHijh

BAB 4 TEKS EKSPOSISI ADAT TRADISI MANTU

        Wacana utawa teks eksposisi yaiku wacana kang njlentrehake utawa medharake sawijining bab kanggo pamaos. Supaya pamaos oleh inpormasi kang genep babagan  sawijining objek, sabanjurne pangerten pamaos bisa mundhak.

Ciri-cirine wacana eksposisi :

1. Arupa wacan inpormasi

2. Ana gambar, grafik, karo tabel sing magepokan karo isi wacan

3. Wangun tulisan sing nyedhiyani pangerten lan kawruh

Carane Nulis wacana Eksposisi :

1. Nemtokake underane utawa temane

2. Nemtokake tujuan

3. Ngumpulake data saka maneka sumber

4. Nyusun cengkorongan (kerangka) sing cocok karo underan sing dipilih

5. Ngembangake cengkorongan dadi paragraph eksposisi

Upacara-upacara penganten adat Jawa antarane :

1. Lamaran

Tata cara iki minangka wiwitane omah-omah. Ing acara iki calon penganten kakung dolanmenyang kulawarga penganten putrid kanthi ancas nembung supaya gelem diajak omah-omah mbangun bale kulawarga.

2. Siraman

Ing acara iki temanten kakung lan putrid kadhawuhan adus kanthi ancas reresik raga lan jiwane, supaya ing dina pahargyan wis bisa resik lahir lan batine.

3. Midodareni

Tata cara midodareni iki duwe ancas supaya ing pahargyan penganten putrid kasulistyane kaya dene widodari.

4. Srah-srahan

Ing acara iki kulawarga penganten kakung ngaturake tetukon kang ancase bisa mbiyantu anggone bakal duwe gawe mantu, uga bisa sinebut pasok tukon

5. Ijab Kabul 

yaiku tandha resmining pinanganten kekalih.

6. Upacara Panggih. 

Tata cara panggih dileksanakake sawise ijab Kabul.  Bisa ditindakake ing sadina  utawa ing dina liyane. Acara iki nggunakake kembang mayang kang ancase kanggo tandha yen penganten kakung lan putri bakal sah dadi jodhone.  Sakwise iku penganten putrid ketemu (panggih) karo penganten kakung sak perlu nerusake upacara : Balang suruh, wiji dadi, pupuk, sinduran, timbang, kacar-kucur, dahar klimah, mertui, lan sungkeman.

7. Upacara balangan suruh 

yaiku tata cara iku minangka tandha kasetyaning penganten

8. Upacara wiji dadi 

yaiku penganten kakung ngidhak endhog pitik nganti pecah, banjur penganten putri ngresiki sikil/ampeyane penganten kakung nganggo banyu kembang. Upacara iki minangka pralambang sawijining kepala keluarga sing tanggung jawab mring keluarga

9. Pupuk 

yaiku tata cara iki dileksanani ibu penganten putri ngusap-usap sirah/mustaka mantu kakung minangka tandha bisa nampa kanthi ikhlas dadi perangan kulawarga

10. Sinduran 

yaiku tata cara iki dileksanani dening wong tuwa penganten putri minangka tandha yen penganten kakung wis ditampa dadi perangan saka keluarga

11. Timbang  

yaiku penganten sak kloron lungguh neng pangkonane Bapake penganten putri minangka pralambang bakal tumindak adil marang anak mantu lan besan, sarta rasa sih katresnane wong tuwa marang anak lan mantu saha besan.

12. Kacar-kucur 

yaiku wujud dhuwit logam, beras lan ubarampe liyane sing dikucurke ing pangkonane penganten putri minangka pralambang paweh nafkah.

13. Dahar klimah 

yaiku penganten sakloron dahar dulang-dulangan minangka pralambang pinanganten sakloron arep urip susah lan seneng kanthi bebarengan

14. Mertui 

yaiku wong tuwane penganten putrid methuk wong tuwane penganten kakung neng ngarep omah lan bebarengan tindak neng acara resepsi

15.  Sungkeman 

yaiku pinanganten sakloron sungkem nyuwun pangestu marang wong tuwa

16.  Kenduren /resepsi 

yaiku puncak acara pengantenan, uga kadang diarani resepsi utawa walimahan.